صح قول في المغرب لاتستغرب كاين اللي كيتغدى بمليون واللي مالقاش حتى السلاطة
مغرب الأنا فوق الشبهات وهذاك معانا تهلاو فيه ومعاه جات ولاخور عطيواه البالة والبرويطة
وهذاك ضدنا شبعوه عصا وخليو دار بوه كحلو عيشتو ترجع مكرفصة واذا فرعن خليو فيه بالكلاطة
مول الشاقور دوا عوك وحرنط قال كلمتو واخا كان مدفوع عالط جاوبوه شلة حماق و بالكواغط
سعدات اللي ماشاف ماسمع بقى فدارو او فخيمتو شاد الcoin ومرابط.
ايوا شفتو فين وصلنا ومازال ما عقنا بزراعين الفتنة واش بغيتونا نعيشو ف الظلمة
فمغرب التناقضات مغرب التصريحات والتصريحات المضادة والفتاوي الشاذة والحرية الزايدة
مغرب أحزاب التلاوي جماعات وجمعيات البلاوي والجمامع الخاوية ف القهاوي
او فمغرب الانحلال والتفسخ والامية والتكلخ مغرب التقرصين والمردوخ .
إن الله لايغير ما بقوم حتى يغيروا ما بأنفسهم . صدق الله العظيم.
مول الزرواطة يرد على مول الشاقور