beforeheader desktop & mobile

beforeheader desktop & mobile

afterheader desktop & mobile

afterheader desktop & mobile

الحوار يامسؤولين..

 

                    جُوجْ كَلْمات

                                       لقاء يومي متجدد على محمدية بريس

                                       الحوار يامسؤولين..


كثيرة وكثيرة هي الشكايات والمشاكل تاع المواطنين بالمحمدية، واللي كتتلقاها محمدية بريس  ، يا اما بالهاتف او الاميل اواللقاءات المباشرة مع السكان اللي منهم متضرر من شي قضية  او لا شي مجموعة سكان اللي عندها مشكل وعملات جهدها من اجل حلو عند جميع المسؤولين، بدون فايدا ولا توضيح.

عدد من هاذ المواطنين ماكيلقاوش قدامهم غير محمدية بريس كيما كيقولو لينا ،و اللي ماكتبخلش عليهم  بتلقي شكاياتهم والاستماع ليها وعرضها عبر روبرطاج  بكل حياد وكنعرضوها مصورة ومرفوقة بتقير ومباشرة للمسؤولين المعنيين،  بابنا طبعا مفتوح لاي مواطن، مهما تكون المشكلة او القضية اللي عندو ،هذا واجب  قبل مايكون مهني  ،هو واجب انساني .

على اي ، عرضنا في مسيرتنا  بمحمدية بريس  من خلال شكايات المواطنين ،طيلة السنوات الماضية عدد من القضايا تاعهم ، فيها اللي لقات الحل ،وفيها اللي كتسنا ،وفيها اللي ماتعطاهاش ادنى اهتمام رغم اهميتها واحقيتها فايجاد الحل من كبار المسؤولين .

عرضنا مشاكل المعطلين، ودور الصفيح ،والباعة الجائلين ،واللي تهدمو ليهم محلات بدون تعويض او بديل وزيد وزيد …

 نذكرو هنا فقط اخر شكايات هاذ الشهر بمحمدية بريس، كدوار زواغات ، هاد الدوار اللي مجهول بالمحمدية  وكلنا كندوزو عليه،  السكان فيه  من بعد ما مقاول سد عليهم بحيط وولاو يدوزو من وسط الروضة  ، تلاميذ وعيالات  وشيوخ  في لخلا والليل ، رورطاج كان جد مؤثر وشاهدوه كثير وكثير من القراء وتعاطفو مع المستجوبين اللي قالوا

: “ولينا بحال حديقة الحيوان والمسؤولين كيتفرجوفينا

، اوا الواجب تاعنا درناه اوا فين هما هاذ المسؤولين ؟ دوز من وسط الروضة ولا نقز تا لقبورة شكون حاير فيك ؟ ولا موت نتا كاع روضة حداك هنينا عليك .

 

وبلا مانرجعو لصحاب الفراشة بساحة مالي واللي قالوه راكم سمعتوه ، وهما دبا جايا لشهر ولا معيل  يندبو يبكيو يشكيو بقا ليهم ع يكريسو ، ولكن من داها فيهم حد ، مرة اخرى فين البديل كيما قالو يا المسؤولين ؟

 

مانطولوش فهاذ جوج كلمات واللي كنطلبوه من المسؤولين:  احنا باغين نبنيو محمدية جديدة بالتفاهم والحوار الحوار  ونعرفو  ونقتاربو من مشاكل المواطنين، الا عملنا على الاقل هاذ شي نقدرو نقولو را احنا مسؤولين.

هذا امالنا  والله يعونا اجمعين .

نتلاقاو غدا في الصباح فجوج كلمات وموضوع جديد.

لمن فاتته مشاهدة حلقة امس  من اللقاء اليومي : جوج كلمات يرجى  الضغط هنا

واللي كان موضوعها نافورة القصبة

ولمشاهدة باقي الحلقات الماضية يرجى الرجوع الى القائمة الرئيسية

بالموقع والضغط على فقرة جوج كلمات

 

 

 

 

تعليقات الزوار
جاري تحميل التعاليق...

شاهد أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. موافقالمزيد