beforeheader desktop & mobile

beforeheader desktop & mobile

afterheader desktop & mobile

afterheader desktop & mobile

” قرقارة” القصبة..

 




                      جُوجْ كَلْمات

                                       لقاء يومي متجدد على محمدية بريس

                                       ” قرقارة” القصبة..

 


 

تكلمنا عليها كثير..والحديث عليها طويل…هي النافورة ، نافورة قصبة المحمدية ، او لا القرقارة  كيف ما ولات الساكنة كتوصفها ، ولات ضحكة ونكتة لكل كبير وصغير وسائح وغريب .

النافورة هاذي اللي كيقولو تخسر عليها كثر من جوج مليار ولات ماهي نافورة خدامة ولا تيران  للاطفال.

نافورة فسدات جمالية القصبة بسبب سوء التفكير والتذبير ،لاهندسة ولاتصميم ملي خدمات كلها اعطاب اولات للدراري لابيسين ، خدمات شهر وبسبب هاذ الاعطاب راها موقفة  هاذي عشر شهر بدون توضيح من الجهات المسؤولة للمواطنين .

اوا يا المعنين بالنافورة تاع القصبة ، الساكنة اليوم را باغا تعرف  : ملاير النافورة فين مشات ، الساكنة باغا المحاسبة والمسائلة والمطالبة بفتح تحقيق في الملف الكامل  لهاذ ليها من طرف المجلس الجهوي للحسابات .

نافورة دارت ارتباك في حركة  مرور السيارات وحتى الراجلين .

اوا يا المعنيين والمسؤولين الساكنة  في انتظار المسائلة ماشي  راه لازم النافورة تخدم ؟ الناس را باغا تتفجج باغا تحس بالتغيير  اللي واعدتوهم بيه.

 

واللي لازم المسؤولين يعرفو هو انو المحمدية  را مابقا فيها مايتشاف ، لافضاءات ولا متنزهات ولا تيرانات ، سمعو  وحدا من الساكنة  فهاذ لكلام( شاهدوا الفيديو لفوق )

 

هذا تصميم النافورة اللي كانوا المعنيين عليها ناصبينو  قدامها

اش بان ليكم فيه ؟…لاعلاقة ولاصلة بنافورة دبا …اوا.. اش كاين شي تعليق؟

شوف التصميم

 

هكذا كان مايسمى رخامها  ملي تفتحات …

طلو داب

هو من المفروض المجلس خاصو يخصص شركة نظافة خاصة

اللي غ تهتم بيها  و بنظافتها  وبادوات ايضا خاصة

صحيح انو شركة سيطا مرة مرة كتقوم بصب الماء  فوقها

بلا حكان ولا مواد تنظيف، معذورة النافورة لعلمنا ماشي في اختصاصها

وماشي في دفتر التحملات تاعها

 

 

هاذي صورة للنافورة عهد الانشاء ، الاعطاب فيها وهي في الانشاء

 

هاذي صورة ليها قبل عشر شهر ملي كانت خدامة

شوفو المياه اللي بجنبها اعطاب واعطاب

هاذي صورة ليها في الاسبوع الاول شوفو ما يسمى ” رخام ”

كي كان ، اما دبا  ، حالتو تشفي لعديان

 

 

شوفو مايسمى رخام كي كان ملي تفتحات

 

 

هاذ لكراسا ملي كانت كتصوب  كان ليهم هاذ التصميم

واثناء الانشاء تاعها تبدل ليهم لبلان

اوا اش هذا يامهندسين؟

 

هذا شارع الجيش الملكي بجنبها ايام الانشاء تاعها شوفو كي كان ،

طلو ياسياح دبا وشوفو كيف ولات ، اما الساكنة را عارفا هاذ شي..

 

 

 

لمن فاتته مشاهدة حلقة امس  من اللقاء اليومي : جوج كلمات يرجى  الضغط هنا

ولمشاهدة باقي الحلقات الماضية يرجى الرجوع الى القائمة الرئيسية

بالموقع والضغط على فقرة جوج كلمات

 


 

 

 

تعليقات الزوار
جاري تحميل التعاليق...

شاهد أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. موافقالمزيد