beforeheader desktop & mobile

beforeheader desktop & mobile

afterheader desktop & mobile

afterheader desktop & mobile

لاحوار مع التجار بالمحمدية ولا حلول للمجلس البلدي

                      جُوجْ كَلْمات

                                           فقرة متجددة يوميا على محمدية بريس

 

                               لاحوار مع التجار بالمحمدية ولا حلول للمجلس البلدي



العلاقة بين المواطن والمسؤول في اي مكان من المفروض والواجب تكون علاقة مبنية على التواصل  والحوار والتفهم والتقدير للامور ، من المفروض ، لكن اللي واقع في المحمدية وكيف ما كيتشاف ويتلمس العكس ، هنا العلاقة بين المسؤول (ونتحدثو هنا عن عاملة المدينة) وبين المواطن مفقود. فهاذ العلاقة  اهم  الشروط اللي صاحب الجلالة كينصح بيها قبل تعيينو لاي مسؤول وزير سفير عامل باش يعملها ونعود نكررها التواصل  التفهم والتقدير للامور والحوار.
ناس تاع المحمدية ايا منهم اللي كيتلاقانا ، اول شيء تيقول  العاملة سادا الباب ماباغاش تستقبلنا ماباغاش تعطينا موعد ، او شي ساكنة كتقول لينا  : العاملة ماباغاش تتحاور معانا وتعرف مشاكلنا،  واكبر دليل هنا اللي وقع بعد شهر من تعيين السيدة العاملة على المحمدية واللي ستبشرات بها الساكنة كلها بل وفرحات  ،اذن  الدليل  قلت ، ناس من لتجنة الحوار في كاريان البرادعة والمسيرة طلبو لقاء  للسيدة العاملة لاجل اخذ فكرة  اولية علة اكبر مشكلة في المحمدية اللي هي اكبر جوج كاريانات في المحمدية  لكن السيدة العاملة رفضات وكي ما قالو لينا بدون  مبررات او وعد  باللقاء ، وهنا ماكان على سكان المسيرة والبرادعة سوى التوجه باختجاج صاخب العاملة وكلنا كتذكرو اش وقع فذاك النهار كان يوم السبت 16 يونيو من هاذ العام مسيرة سلمية حدى العمالة تحولات مواجهات دامية  سفرات على عدد من الجرحى، كان سببها  رفض الحوار ، وكان اللي وقع في السبت الاسود يتجنب لو تم حوار بسيط ، الشيء ماحصلش.
  مناسبة هاذ لكلام، اللي كيوقع داب ، المحمدية كتغلي بالاحتجاجات في عدد من الاماكن  هاذي اسبوع ، التجاربالمدينة مامناسباهمش قرارات السيدة العامل  في غياب لقاء لاجل الحوار ، وايجاد حلول .
نعم عدد من التجار مع اصلاح لمدينة وتنظيمها ،لكن كي ما كيقولو لينا ، الطريقة اللي كتنهجها السيدة العامل طريقة غ تجلب للمدينة الهلاك والويلات وهذا ما لانتمناه .

 ملي كيولي مواطن امام الملاء وامام ناسو، جيرانو وصحابو كيقول: “حنا كلاب حيوان..”  بسبب عدم اي اعتبار واي حوار ليه  كتاجر وللتجار صحابو واللي ماعندهمش بديل غير فراشة  في ساحة عامة بسلعة  كاين اللي اللي ماكيوصلش راس مال سلعتو حتى 150درهم وكيعيش بيها اسرة كي ماكيقولو لينا . 

حنا هنا ماكندافعوش على احتلال الملك العمومي، ولا كنقولو  ديك الساحة را ديالهم، وهما  قدام فيها ،ومن حقهم يبقاو فيها لا،  الا كنا كنقولو هكا،  را كنشجعو السيبا ،  ابدا ولكن حنا كنقلوا مطالب هاذ صحاب الفراشة والتجار اللي باغين البديل ، البدليل اللي واحد الجهة المسؤولة في المحمدية ضاربا الطم وساكتا وكأن شؤون المدينة ماشي من اختصاصها ، وكأنو عندها مقر هنا وكتسير شؤون ومصالح ناس خرين كاينين في جزر القمر  .

الناس والتجار كيتساءلو فين هو المجلس البلدي تاع المحمدية اشنو موقعو من اللي كيحدث  اش دار لهاذ التجار   فين  هو البديل   اللي كيطلبو..،  والبديل هو  سوق بلدي جديد اسي المجلس البلدي،  واش ماشي عيب وعار مدينة ولات كبيرة  وبسوق بلدي يتيم  ؟؟  فين هو مشروع سوق بلدي جديد في مشروع التهييئة.؟ مانطولوش لكلام فهاذ الفقرة اليومية تاع جوج كلمات اللي ليوم تعداتها  لشلا كلام .
نتلاقاو غدا..

 

لمن فاتته مشاهدة حلقة امس يرجى الضغط هنا

ولمشاهدة باقي الحلقات الماضية يرجى الرجوع الى القائمة الرئيسية

بالموقع والضغط على فقرة جوج كلمات

تعليقات الزوار
جاري تحميل التعاليق...

شاهد أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. موافق المزيد