beforeheader desktop & mobile

beforeheader desktop & mobile

afterheader desktop & mobile

afterheader desktop & mobile

الله يحضر السلامة..بالمحمدية

 

                              جُوجْ كَلْمات

 

فقرة “جوج كلمات” فقرة جديدة ويومية تدرجها محمدية بريس ضمن فقراتها المتنوعة والتي تهم بالدرجة الاولى المواطن بمدينة المحمدية ، فقرة بالدارجة المغربية، نشخص فيها الوضع والواقع الحالي بالمدينة، نتمنى ان تلقى الفقرة رضاكم.

                       الله يحضر السلامة..

كيبان أنو الحملة اللي كتقوم بها السلطات بالمحمدية وبأوامر من السيدة العاملة  والخاصة بمحاربة الملك العمومي حملة كْثر عليها القيل والقال في المدينة ، من يوم تم هدم قهوة نضيف والسكان  في المحمدية  وغالبيتهم كانو ضد فكرة الهدم ، علاش ؟ قهوة نضيف عندها تاريخ في المحمدية   ومعظم الساكنة كتعتابرها معلمة بالنسبة للعالية وللمدينة كاملة.

  مسير بالقهوة رتاكب خطأ، تعاقب..لكن نضاف له خطأ كبير بالهدم ، تيقولو الساكنة ، الهدم اللي كان مفاجئة ليهم واستياء كبير عليها ، علاش؟ الساكنة تعاطفت مع القضية لدرجة انه الخبر والفيديو اللي نجزناه في محمدية بريس حقق اكبر نسبة قراءة منذ انشاء الجريدة، اذن المواطنين بالمحمدية شافو ديك العائلات اللي تشردات  وبدون تعويض ،واللي كضم ازيد من 60 فرد ..فيدو كان فعلا مؤثر وشافوه المهاجرين تاع المحمدية وماصدقوش اللي وقع لمدينتهم .
قهوة نضيف  كانت البداية، وهاذ ليام كنشوفو السلطت كتقوم بحملات  ماسبقش للمحمدية شافتها  في احتلال الملك العمومي اللي كتقوم بيه السلطات وايضا ضد الباعة المتجولين بساحة جامع مالي وصحاب لحريرة ..، لحاصول ، الله يحضر السلامة  لِلِي جاي..

نتلاقاو غدا في فقرة جوج كلمات..
    


 

 

 

تعليقات الزوار
جاري تحميل التعاليق...

شاهد أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. موافقالمزيد